РУСКИ КЕРЕСТУР – Як у шицких основних школох у Сербиї, так ше и у ОШ „Петро Кузмяк” у Руским Керестуре вчара и нєшка отримує пробни Закончуюци испит за 36 школярох осмей класи.
Вчара школяре ришовали пробни тест з математики, а нєшка од 9 до 11 годзин перше будзе тест з мацеринского – руского язика, а потим од 11,30 до 13,30 годзин комбиновани тест з пейсцох предметох – хемиї, биолоґиї, физики, историї и ґеоґрафиї.
Пробни Закончуюци испит служи же би школяре преверели свойо знанє и у наступним периодзе ше добре пририхтали за главни маломатурски испит.
Закончуюци испит осмаки буду покладац од 15. по 17. юний, а школяре котри ше планую уписац до уметнїцких школох и специялизованих ґимназийох, од 30. мая по 12. юния.