НОВИ САД – У просторийох Завода за културу войводянских Руснацох, вовторок 14. мая, отримана Конститутивана схадзка Роботного цела за науку. По одлуки Националного совиту Рускей националней меншини хтора прилапена 28. януара того року, до Роботного цела за науку меновани: Янко Рамач, Дюра Гарди, Алексей Кишюгас, Юлиян Тамаш и Йоаким Стрибер.
На схдзки прилапени Дїловнїк о роботи Роботного цела у хторим одредзени його компетенциї и обовязки, як и други технїчни поєдиносци важни за роботу.
Предсидатель Роботного цела за науку Янко Рамач, присутних на схадзки поинформовал о орґанизованю и отримованю Медзинародней науковей конференциї „Лемки, Бойки, Гуцули, Руснаци – прешлосц, сучасносц, духовна и материялна култура”. Конференция будзе отриман у Новим Садзе концом юния, а на нєй як надпомнуте буду участвовац 30 учашнїкох зоз шейсцох державох.
Член Роботного цела за науку Йоаким Стрибер поинформовал присутних о поволанки Националней библиотеки – ґрупи за Славянски народи зоз Беоґраду на сотруднїцтво. Слово о отримованю своєродней конференциї хтора у фокусу будзе мац нашу историю, традицию и културу. Конференця би требала буц отримана на початку юния. Стрибер винєсол и новосци по питаню Проєкту „Хорайзон 2020” у хторим би наша меншина знова була у центре поваги.
На схадзки за подпредсидателя Роботного цела за науку меновани Дюра Гарди, а за записнїчара Таня Арва Планчак.
Конститутивней схадзки присуствовал и предсидатель Националного совиту Рускей националней меншини Борислав Сакач.