Вше лєпши квалитет оркестрох

автор нем; фото влдї
847 Опатрене

ШИД – У Шидзе вовторок, 13. септембра, отримана схадзка Управного одбору КПД „Дюра Киш”, на хторей анализоване отримованє тогорочного дзевятого Фестивалу руских народних и тамбурових орхестрох „Мелодиї Руского двору”, хтори у Шидзе отримани 3. септембра на бини у порти Лєтнєй владическей резиденциї.

Як констатоване, Фестивал зохабел позитивни упечатки, як на патрачох, так и на учашнїкох, а оценєте же оркестри кажди рок приходза вше порихтанши и виводзенє музичних точкох вше квалитетнєйше. Доброму упечатку допринєсла и красна хвиля, та шицки змисти Фестивалу могли буц отримани у амбиєнту у хторим були и плановани.

Оценєте же и орґанизацийни бок прешол без почежкосцох, а на схадзки Управного одбору Дружтва винєшени и дзепоєдни критики, хтори буду розпатране, же би на рок дзешати, ювилейни Фестивал бул ище лєпши и успишнєйши.

ПОВЯЗАНИ ТЕКСТИ