Гласанє у Вуковарско-сримскей жупаниї

автор клї
1k Опатрене

ВУКОВАР – На подручу Вуковарско-сримскей жупаниї у другим кругу виберанкох за предсидателя Републики Горватскей, на хторих за предсидательку Горватскей вибрана Колинда Ґрабар Китарович, внєдзелю, 12. януара, на виберанки вишли 55,53 одсто зоз 159 514 виберачох уписаних до виберацкого списку. За нову предсидательку у Вуковарско-сримскей жупаниї гласали 59,49 одсто гласаче котри вишли на виберанки.

Подобни резултати и у вуковарскей и у двох општинох у котрих жиє найвекше число Руснацох. У Вуковарскей општини з коло 27 000 уписаних до виберацкого списку вишли 53 одсто гласаче, а за нову предсидательку гласали коло 52 одсто.

У Боґдановцох, општини хторей припадаю Петровци, на гласанє вишли 57,60 одсто зоз 1 790 уписаних гласачох, а нова предсидателька у тей општини достала 64,65 одсто гласи гласачох котри вишли на виберанки.

У Томповцох, општини хторей припадаю Миклошевци, зоз 1 460 уписаних до виберацкого списку внєдзелю на виберанки вишли 57,05 одсто, а за нову предсидательку гласали коло 64 одсто гласаче.

Колинда Ґрабар Китарович на цалим подручу Републики Горватскей, з дияспору, достала 50,74 одсто, а дотерашнї предсидатель держави Иво Йосипович 49,26 одсто гласи гласачох котри вишли на виберанки.

ПОВЯЗАНИ ТЕКСТИ