НОВИ САД – Городоначалнїк Нового Саду Милош Вучевич штварток, 1. октобра, отворел Манифестацию „Слунковита єшень живота”, з хтору означени и Медзинародни дзень старших. Манифестацию организує Ґеронтолоґийни центер „Нови Сад”, под руководительством Управи за социялну и дзецинску защиту Городу Нови Сад.
– У октобру ше витворює числени активносци пошвецени найстаршим Новосадяном. На тот способ даваме окремну повагу тим котри дали вельке доприношенє свойому городу и цалей держави. Основали зме и Канцеларию за старих, же бизме найлєпше одвитовали на їх потреби, а сотрудзуєме и з їх здруженями и з Ґеронтолоґийним центром – визначел з тей нагоди Вучевич.
Програма „Слунковитей єшенї живота” предвидзує 125 активносци з хторима облапени пензионере и старши жителє Нового Саду, а програми буду у обєктох Ґеронтолоґийного центру.