НОВИ САД – На основи Акцийного плану за обезпечованє роботи за тот рок, вчера, 19. юния, Город Нови Сад розписал Явну поволанка за фахове оспособйованє приправнїкох, хтора отворена по 1. юлий.
Програма наменєна младим нєзанятим особом з високим, лєбо штреднїм образованьом, котри активно глєдаю роботу и нє маю роботне искуство у фаху.
За реализованє тей програми у буджету Городу предвидзени 46 милиони 620 000 динари, а наменєни су за финансованє трошкох плацох з порциями и доприносами за социялне осиґуранє – за 90 приправнїкох з високим образованьом у єдним року, як и за 30 приправнїкох зоз штреднїм образованьом за пол рока.
Явна поволанка обявена на сайту Городу Нови Сад www.novisad.rs и на огласней табли Националней служби за обезпечованє роботи.