Госцує Хор „Алпе Адриа” з Италиї

автор зам 
1.1k Опатрене

 

НОВИ САД/ВЕРБАС/РУСКИ КЕРЕСТУР – Того викенду у наших местох госцує Хор „Алпе Адриа” з Удинох, з Италиї, а домашнї му парохия у Руским Керестуре. Источашнє то и врацанє нащиви, понеже Мишани хор Дому култури и Катедралней церкви св. о. Миколая 2011. року госцовал у Удинох.

Хор з Италиї, под дириґенством маестра Андреа Тофолиния, на пияток, 20. мая, у Културним центре Нового Саду (у Клубу „Трибина младих” у Католїцкей порти) отрима самостойни концерт, на 19 годзин.

На соботу, 21. мая, госци з Италиї буду участвовац на нашим Хорским фестивалє „Карпати” у Вербаше, а на нєдзелю, 22. мая буду шпивац Вельку Службу Божу у рукокерестурскей Катедралней церкви, вєдно з домашнїм хором.

Госцованє Хору „Алпе Адриа” будзе витворене з потримовку Националного совиту Руснацох и Заводу за културу войводянских Руснацох.

ПОВЯЗАНИ ТЕКСТИ