НОВИ САД – За софинансованє будовательней, добродзечней и науковей дїялносци, традицийним церквом и вирским заєднїцом у Войводини з Покраїского секретарияту за образованє, предписаня, управу и национални меншини-заєднїци додзелєни вєдно 21 милион 242 000 динари. Ресорни секретар Михаль Нїлаш принєсол ришенє з хторим ше тоти средства розподзелює дзевец церквом и вирским заєднїцом.
Сербска православна церква достанє 11 милиони 099 000 динари, Римокатолїцка церква 6 милиони 642 000, Исламска заєднїца 305 000, Словацка євангелистична церква 857 000 динари, єврейска заєднїца 458 000, Реформатска християнска церква 536 000, Євангелистична 458 000, Румунска православна церква 611 000, а за Грекокатолїцку церкву з Покраїни опредзелєни 458 000 динари.
Пенєж ше будзе виплацовац квартално, а найвецей плановане виплациц у трецим кварталє, односно од юлия по септембер, сообщене зоз Секретарияту.