Гуманитарна акция потераз успишна

автор тах
939 Опатрене

КОЦУР – Гуманитарна акция за помоц вибеженцом зоз України хтора порушана и у коцурским Каритасу потераз досц успишна – гвари Мария Буила, хтора задлужена за зберанє гуманитарней помоци вєдно зоз Меланию Салонтай и Меланию Мартич.

11 - humanitarna akcija 02

Як за Рутенпрес виявела Буилова, одволанє досц вельке, а потераз помоц дали коло штерацец фамелиї зоз коцурскей грекокатолїцкей парохиї, як и зоз других парохийох хтори исную у валалє. Найвецей назберане облєчива, алє и средства за особну гиґиєну и конзервованей поживи.

Волонтерки помоц на два заводи зберали цали дзень, лєбо частейше по догварки зоз валалчанами. Помоц ищи вше мож придац до просторийох Каритасу, контактуюци скорей того Марию Буила лєбо други два волонтерки.

ПОВЯЗАНИ ТЕКСТИ