РУСКИ КЕРЕСТУР – Представителє Школи „Петро Кузмяк” з Руского Керестура вчера нащивели Здруженє за ментално нєрозвити оосби „Белава птица” („Плава птица”) у Кули, у рамикох своєй гуманитарней акциї з нагоди наиходзацих крачунских и новорочних шветох.
До Здруженя однєшени прибор за роботу, бависка и лакотки з пенєжу хтори керестурски школяре назберали у гуманитарней акциї, вредносци прейґ 8 000 динари, а часц назбераного пенєжу – 10 000 динари, уплацели Дружтву за дзецинску и церебралну парализу у Зомборе.
Облєчени до костимох Дїда Мраза керестурски школяре за хасновательох услугох „Белавей птици” виведли и пригодну кратшу програму, а потим ше з нїма дружели у приємней атмосфери. Координаторка тей гуманитарней акциї у Школи педаґоґиня Любица Няради.
