КОЦУР – Прешлого викенду Фодбалски клуб „Искра” з Коцура одбавел два пририхтуюци змаганя. Всоботу, 12. марца, у Коцуре привитала екипу „Младосц Радосц” зоз Србобрану и победзела зоз резултатом 3:1. Ґоли за Искру на тим змаганю дали Дамир Ґубаш, Дамян Ґубаш и Душан Крняїч.
Вчера, 13. марца, Искра тиж бавела у Коцуре, а процивнїк єй була „Бачка” зоз Деспотова. Коцурци и на тим змаганю були успишни и победзели зоз резултатом 6:2
Ґоли дали Душан Крняїч 2, Дамир Ґубаш, Дамян Ґубаш, Марян Малацко и Антон Малїк.
Шлїдуюце змаганє, котре будзе и ґенерална проба пред початком першенства, Искра будзе бавиц на нєдзелю, 20. марца, у Коцуре процив „Славиї” зоз Пиньвиц.