Два синдикати за претаргнуце штрайку, два ше вияшня идуцого тижня

автор зам
1.1k Опатрене

БЕОҐРАД – Два зоз штирох репрезентативних просвитних синдикатох стреду подписали Спорозуменє о претаргованю штрайку у школох, док други два синдикати о тим буду одлучовац 16. и 17. фебруара, преноши Танюґ.

Спорозуменє з Министерством просвити стреду подписали Синдикат образованя Сербиї и Синдикат „Нєзависносц”, док Синдикат у просвити Сербиї и Уния синдикатох просвитних роботнїкох Сербиї о претаргованю штрайку буду розправяц початком идуцого тижня.

Занятим у просвити понукнути окремни Колективни контракт, у хторим реґуловане и цепле костиранє и ювилейни награди, а Спорозумене предвидзує и же зоз ушпорованьох у державним буджету достаню пенєжну помоц, алє о тим ше будзе прегваряц по 1. юний.

Штрайк просвитних роботнїкох зоз скрацованьом годзинох на 30 минути, цо законски минимум роботи, почал 17. новембра прешлого року.

ПОВЯЗАНИ ТЕКСТИ