РУСКИ КЕРЕСТУР – Ище од 25. юния у просторийох Добродзечного огньогасного дружтва (ДОД) у Руским Керестуре тирва дежурства огньогасцох у жатви и седемцме огньогасци буду дежурни покля ше коши. По двоме огньогасци дежураю у двох зменох – од 8 до 14 и од 14 до 21 годзин, а як гварели, за тераз нє було нїяки огнї у хотаре.
Попри дежурства, ДОД у огньогасним доме и у обисцох власнїкох комбайнох и тракторох пред жатву препатрело процивогньово апарати и машини хтори участвую у косидби.