КОЦУР – Делеґация зоз Свиднїку, зоз Словацкей, на чолє з городоначалнїком Яном Голодняком, всоботу, 25. юния нащивела Општину Вербас, дзе госцох привитали заменїк предсидателя Општини Вербас Милан Ґлушац и член Општинскей ради задлужени за енерґетику и транспорт Ґоран Пейович.
Попри городоначалнїка, у делеґациї Свиднїку були членїца Городскей ради за културу, младеж и спорт Вєра Дерцова, шеф Кабинету городоначалнїка Владимир Шандала и привреднїк др Йозеф Жак.
На приєму у Општини Вербас присуствовали и предсидатель Националного совиту (НС) Руснацох Славко Рац, предсидатель Вивершного одбору НС Желько Ковач, директор Заводу за културу войводянских Руснацох Серґей Тамаш и предсидатель вербаского КПД „Карпати” Деян Загорянски.
Представителє двох городох бешедовали о вецей темох вязаних за преглїбйованє сотруднїцтва у обласци култури, як и о можлївосцох за конкурованє зоз заєднїцкима проєктами до фондох Европскей униї, та о участвованю Вербащанох на конференциї о обновююцих жридлох енерґиї, хтора будзе у Свиднїку.
