БЕОҐРАД – Шицким вирнїком и священству котри Вельку ноц славя по юлиянским календаре, найвисши републични функционере винчую швето. Предсидатель Републики Сербиї Томислав Николич у своєй винчованки пожадал же би ше на тото швето, хторе представя надїю и виру до будучносци, шицки здогадли на прави вредносци и пошвецели фамелиї, любови и злагоди.
У мено Народней скупштини, єй предсидателька Мая Ґойкович винчуци Вельку ноц пожадала гражданом медзисобне порозуменє и толеранцию.
Предсидатель Влади Републики Сербиї Александар Вучич у своєй винчованки поручел же з роботу и упорносцу мож звладац проблеми хтори випатраю як нєришуюци. Винчованком ше придружели и министрове у Влади Сербиї.