Державянє з двойним державянством пременки муша приявиц и у Мадярскей

автор сен 
1.1k Опатрене

МАДЯРСКА/СЕРБИЯ – После початного масовного придаваня вимогох за мадярске державянство, интересованє ище вше вельке, алє тото число вше баржей опадує, гварел конзул Мадярскей у Сербиї Золтан Планк. Вон винєсол податок же тераз дньово до Суботици сцигню до 50 вимоги, а под час конзулских дньох до 150 вимоги, преноши Бета.

Мадярска по 2018. рок жада мац за милион вецей гражданох, а по терашнїх податкох то и будзе сполнєте, гварел Планк. Право подношеня вимоги за доставанє мадярского державянства маю гражданє Сербиї мадярскей националносци, лєбо особи чийо предки народзени у бувшей Австро-Угорскей. Кед достаню мадярски пасош, вони годни лєгчейше достац роботу у державох Европскей униї, цо и циль векшини цо придаваю вимоги.

Медзитим, прешлого року пооштрена контрола знаня мадярского язика, хторе мож превериц у каждей фази конченя. Планк здогаднул же гражданє котри достаню двойнїсте державянство, маю дополнююцу обовязку же би шицки животни ситуациї и пременки (винчанє, розводзенє, родзенє, шмерц) приявели и у Мадярскей.

 

ПОВЯЗАНИ ТЕКСТИ