НОВИ САД – На ютре, 21. мая, на новосадским Филозофским факултету будзе отримани Дзень отворених дзверох, на хторим ше будуци студенти годни поинформовац о напряму хтори жадаю уписац и о обласци за хтору ше интересую.
Консултациї на шицких одсекох буду од 10 до 14 годзин, а на каждим одсеку дежурни професоре и студенти-волонтере буду информовац будуцих студентох о примацих испитох и програмами студийох. Кабинет у хторим ше отримаю мож опатриц на сайту
https://www.ff.uns.ac.rs/vesti/aktuelno/2016/otvorena%20vrata%2021%20maj.htm.
Заинтересовани за студиранє на Одсеку за русинистику на 9 годзин можу пойсц и на Наукову конференцию младих науковцох, студентох и фаховцох, дзе годни видзиц активносц того Одсеку и информовац ше о студийох.
На 12 годзин у амфитеатру будзе отримана презентация Факултету, дзе будзе представене цо вон понука своїм студентом, можлївосци усовершованя у центрох Филозофского факултету, будзе бешеди и о медзинародней черанки студентох, библиотеки, опреми з хтору Факултет розполага и подобним.