КОЦУР – На Ракичовим салашу, коло драги з Коцура до Змаєва, Културно-просвитне дружтво „ДОК” вчера орґанизовало вецей змисти з нагоди медзинародного Дня планети Жеми.
Означованє почало з роботну акцию з хтору шорене околїско салашу и його набивани мури, а познєйше салаш нащивели и числени госци, понеже там отримане литературне пополаднє. Вецей поетове читали свойо твори, а бешедоване и о еколоґиї и очуваню животного штредку.
Два малярки мальовали у природи, а була орґанизована и вистава древених скулптурох автора Новака Йововича з Вербасу. По законченю урядовей часци предлужене друженє.