РЕПУБЛИКА ГОРВАТСКА – Рада рускей националней меншини Вуковарско-сримскей жупаниї орґанизує преславу Дня Руснацох Републики Горватскей (РГ), дзешату по шоре, нєшка, 25. мая у Вуковару, у Городским музею, з початком на 19,30 годзин.
Тот датум, 25. май, утвердзени як дзень здогадованя на снованє першей рускей парохиї у Горватскей – грекокатолїцкей парохиї у Петровцох 1836. року.
З одлуку Совиту за национални меншини РГ 11. септембра 2009. року, а на предлог Координациї рускей националнйе меншини РГ, Руснаци у Горватскей достали герб, заставу и шветочну шпиванку, хтори ше хасную у шицких протоколарних случованьох вєдно зоз символами Републики Горватскей.
На преславу поволани и буду присуствовац и представителє Националного совиту Руснацох Сербиї, предсидатель Совиту Борислав Сакач и предсидатель Вивершного одбору Желько Ковач.