БЕОҐРАД – Спрам вчерайшей Одлуки Влади Сербиї о найвисших ценох лїкох за хаснованє у гуманей медицини, дзепоєдни лїки хтори ше видава на рецепт буду туньши за 15 одсто.
Як сообщела Влада, Одлука облапя коло 4 000 лїки, а за трецину лїкох хтори ше дава на рецепт цени буду зменшани за 15 одсто.
Здравствени установи, апатики и компаниї хтори ше занїмаю з дистрибуцию лїкох муша ускладзиц цени лїкох з новима предписанями.