Дзецински „Пущанє-маскенбал”

автор влв
1.3k Опатрене

СРИМСКА МИТРОВИЦА – Всоботу, 12. марца, у церковней сали св. Покрови у Митровици, отримане дзецинске „Пущанє-маскенбал”, як увод до пасхалого посту.

На маскенбал пришли вецей як 20-еро дзеци, 6-еро зоз Лачарку, єдно дзивче зоз места Шулям и 13-еро зоз Митровици. Радосц була велька, бо маски були рижнородни.

Дзеци ше змагали у рижних бавискох котри обдумали штири воспитачки: Славка Канюґа, Ева Ляхович, Даниєла Горняк и Моника Митрович-Абодї. Найуспишнєйши маски достали награди, а була послужена и закуска.

3-maskenbal 03

Окрем дзецох, зоз маскенбалом були одушевени и їх родичи, дїдове и баби, котри наглашели же таки друженя у церкви потребнєйше частейше отримовац же би ше дзеци лєпше упознали.

То єдна од велїх манифестацийох котри ше порушую у тим ювилейним року – 110-рочнїци од вибудови церкви и 130-рочнїци од снованя парохиї, же би попри материялней, котра навелько розпочата – була и духовна обнова дзецох и старших.

3-maskenbal 02

ПОВЯЗАНИ ТЕКСТИ