КУЛА/РУСКИ КЕРЕСТУР – Управа ПУ „Бамби” з Кули поволала шицки дзеци, та и зоз рускокерестурского оддзелєня „Цицибан”, най ше одволаю на поволанку дзецох з Италиї хтора ше шири и по других державох, а з мотом „Шицко будзе добре”.
Дзеци поволани нарисовац дугу як символ надїї же тота чежка ситация швидко прейдзе, а свойо рисунки викладаю на облаки, або други видлїви места.
На поволанку ше одволали и дзеци зоз керестурского „Цицибану”, та и вони були креативни у рисованю дуги, а поготов ше одволали найстарши дзеци зоз предшколскей ґрупи.
Велї русинки дуги мож видзиц и на керестурских облакох.