КОЦУР – Члени коцурского Добродзечного огньогасного дружтва, на чолє зоз командиром огньогасней єдинки Сашом Тодичом, пияток 18. януара подаровали бависка, односно огньогасни камиони же би ше дзеци у коцурскей Дзецинскей заградки „Герлїчка” през бависко упознали зоз роботу огньогасцох.
Коцурски огньогасци до оводи принєсли пейц огньогасни камиони, до каждей учальнї по єден.
Циль акциї бул же би ше дзеци заинтересовали за огньогасне дружтво, за таку файту акцийох и же би ше уключели до коцурского ДОД-а.
