ВЕРБАС – Од прешлого тижня, родичи новонародзених дзецох дзецко можу приявиц и у Породзилїщу Общого шпиталю Вербас, сообщене з тей здравственей установи, а преноши портал Општини Вербас. Ту мож приявиц мено дзецка, пребувалїще и приявиц го на здравствене осиґуранє.
Нови модел приявйованя нє обовязуюци за родичох, так же дзецко и надалєй можу приявйовац у матрикулох у општинских управох.
Приявйованє дзецка у вербаским Породзилїщу безплатне, а з тоту можлївосцу и Общи шпиталь Вербас уключени до новей системи „єдинственого управного места”, хтора на уровню держави зажила у априлу того року.