Дзешец милиони за фахову праксу

автор тах
890 Опатрене

ВЕРБАС – Општина Вербас и Национална служба за обезпечованє роботи видвоєли 10 милиони динари за витворенє програми фаховей пракси, през хтору млади здобуваю условия за покладанє фахового испиту, як и саму роботну праксу, явя портал Општини Вербас,

– На тот способ як локална самоуправа жадаме помогнуц у обезпечованю роботи за младих людзох котри на евиденциї Националней служби за обезпечованє роботи, а програма фаховей пракси и значни порив роботодавательом з вербаскей општини – гварел член Општинскей ради Душко Чутило.

Право участвовац у програми фаховей пракси маю роботодавателє з вербаскей општини у приватним секторе, потим у явним секторе до 30 одсто вкупного числа особох уключених до програми, як и здруженя хтори сполнюю окремни условия.

Явна поволанка отворена од 10 по 26. октобер, а вимога за участвованє, односно хаснованє спомнутей програми треба придац до Филияли Националней служби за обезпечованйє роботи у Вербаше.

ПОВЯЗАНИ ТЕКСТИ