Директор Еґзиту достал Фебруарску награду за 2014. рок

автор сен
780 Опатрене

НОВИ САД – Рочну награду, хтору Город Нови Сад додзелює особом котри найбаржей допринєсли Новому Саду, того року достал Душан Ковачевич, директор Фестивалу Еґзит. Награду му уручел городоначалнїк Нового Саду Милош Вучевич на Шветочней академиї з нагоди 1. фебруара, Дня Нового Саду.

Ковачевич, котри дотераз наймладши добитнїк Фебруарскей награди, подзековал тим котри го предложели и вибрали, а з тей нагоди гварел же будзе ище баржей робиц и закладац ше за промоцию Нового Саду, алє и цалей Сербиї.

– Тоту награду пошвецуєм шицким младим людзом котри за остатнї 15 роки зоз своїм анґажованьом допринєсли же би Еґзит постал тото цо є – урядово найлєпши музични фестивал у Европи – гварел Ковачевич.

Найвекше городске припознанє Душан Ковачевич достал за афирмованє Нового Саду у швеце през орґанизацию Фестивалу Еґзит, та пре дружтвени активизем з хторим промововал ширенє и змоцньованє културолоґийней свидомосци и дружтвеней одвичательносци гражданох, а окреме младих, гварел городоначалнїк Вучевич.

ПОВЯЗАНИ ТЕКСТИ