НОВИ САД – Вчера, 7. децембра, у рамикох Манифестациї Днї Миколи М. Кочиша у оддзелєню „Пальчочка” новосадкей Предшколскей установи „Радосне дзецинство” отримана годзина руского язика, на хторей и дзеци на свой способ уключени до тей манифестациї.
Воспитачка Александра Колбас дзецом перше бешедовала о тим же хто бул Микола Кочиш, потим им пречитала по єдну його кратку приповедку и писню, дзеци ше учели стихи и других наших писательох, а вец шицки вєдно одшпивали даскельо руски дзецински шпиванки, медзи нїма и „Хто ше вола Микола”, та коляду.
Дзекуюци и анґажованю орґанизатора Менифестациї – Дружтву за руски язик, литературу и културу – активносци на виучованю руского язика на предшколским уровню у Новим Садзе ше витворює уж вецей роки, а як гварела воспитачка Колбасова, на годзинох вше єст од 10 до 15 дзеци возросту од 3,5 до 6 роки.