ВЕРБАС – У петнац городох пияток, 10. септембра, почала манифестация „Днї Сербскей у Сербиї”, хтора тирва по 16. септембер, а два програми буду и у Вербаше – нєшка, 12. септембра и на стреду, 14. септембра – пише портал Општини Вербас.
Нєшка на 19 годзин у вербаским Биоскопе „Югославия” будзе виведзена театрална представа „Остатня писня”, по сценарию Анити Панич, а у адаптациї и режиї Марка Мисирачи.
На стреду, 14. септембра, на 19. годзин у Народней библиотеки „Данило Киш” будзе отримани Вечар сатири и промоция городу Зворник, на хторим буду представени Народна библиотека и музейна збирка Зворнику.
Циль манифестациї змоцньованє сотруднїцтва Сербох з двох бокох Дрини и стимулованє чуваня традициї сербского народу, а орґанизатор манифестациї Представительство Републики Сербскей у Сербиї.