Днї театру у Вербаше

автор апм
836 Опатрене

ВЕРБАС – Културни центер Вербас и Аматерски театер младих „Владимир Попович” наступни пиятки орґанизую манифестацию Днї театру у Вербаше 2015. Так, концом януара, у фебруаре и початком марца буду одбавени шейсц представи з вецей местох.

На пияток, 23. януара представу „Шмизли” одбави Камерна сцена Театру „Мирослав Антич” зоз Сенти, на пияток, 6. фебруара, Театер „Стеван Сремац з Червинки виведзе представу „Уображени хоротнїк”, а на пияток, 13. фебруара, будзе представа „Кабаре” Драмскей ґрупи Културного центру Бачка Паланка.

На пияток, 20. фебруара, на репертоаре представа „Женски розгварки” Аматерского театру з Трстенику, о тидзень, 27. фебруара представа „Браца и шестри” Аматерского театру з Банатского Карадьордєва, а манифестацию 6. марца завре Аматерски театер младих з Вербасу, з представу „Мировна мисия”.

Шицки представи почню на 20 г. у сали Биоскопу „Югославия”, а цена уходнїци 150 динари.

ПОВЯЗАНИ ТЕКСТИ