Додзелєна награда найлєпшому младому новосадскому новинарови

автор сен
975 Опатрене

НОВИ САД – На рочней шветочносци Новосадскей новинарскей школи награду за найлєпшого новосадского младого новинара вчера достала Милица Алаваня, на основи одлуки фахового жирия. Милица награду достала на основи прилогу „Србобран – папер шицко церпи”, хтори обрабя тему повязаносци корупциї, власци и явного интересу.

Окрем тей роботи, до оценьованя уходзело и дотерашнє новинарске анґажованє и квалитет роботи. Милица Алаваня уж даскельо роки новинарка у продукциї „Войводянска желєна инициятива”, а у своїх телевизийних прилогох о защити животного штредку применює виглєдовацке новинарство. Жири похвалєл єй дошлїдносц, сцерпенє и мобилносц у процесу виглєдованя и зазберованю ключних информацийох.

Награда младим новинаром ше додзелює од 2001. року за информативне, аналитичне, лєбо виглєдовацке новинарство засноване на правди, знаню и критичносци, а пре пестованє обєктивного, толерантного новинарства у Войводини.

На шветочносци представени и найзначнєйши резултати Новосадскей новинарскей школи у 2015. року.

ПОВЯЗАНИ ТЕКСТИ