ЖАБЕЛЬ – Представителє Спортского союзу Општини Жабель, пияток у Велькей сали Скупштини општини, святочно додзелєли седемнац припознаня найлєпшим спортистом у општини за 2015. року у вецей катеґорийох.
На святочносци, на котрей бул присутни Чедомир Божич, предсидатель Општини Жабель и Бора Сибинкич, предсидатель Спортского союзу Войводини, плакети и дипломи поєдинцом и тимом за анґажованє и окремне закладанє зоз замеркованим резултатом уручели спортски роботнїки Йован Панич, Витомир Лисица и Борис Страживук.
Спред наградзених бешедовал Сима Боґданов, длугорочни спортски роботнїк з Дюрдьова, котри виявел же ше у општини злєпшали условия за спорт и оценєл же таки способ наградзованя младих спортистох позитивно уплївує на їх дальше анґажованє.
