ШИД – Союз баптистичних церквох у Сербиї Дому здравя у Шидзе вчера подаровал ЕКҐ-апарат з пулсним оксиометром, вредни 100 000 динари, а тераз будзе хасновани за лїченє миґрантох.
Дарунок придали представителє Баптистичней церкви у Шидзе Данко Чанї и Владо Копчок, котри гварели же спомнута церква од октобра прешлого року миґрантом помага на рижни способи.
На дарунку подзековал директор Дому здравя др Крсто Куреш, з надпомнуцом же по законченю миґрантскей кризи ЕКҐ будзе хасновани за потреби пациєнтох Дому здравя.