Достата технїчна документация за лєпше подмирйованє з воду и за кружни цек

автор влдї
856 Опатрене

ШИД – Стаємна координаторка Зєдинених нацийох (ЗН) у Сербиї и представителька Програми ЗН за розвой (UNDP) Ирена Воячкова Солорано и перши секретар Амбасади Япону у Сербиї Масиоши Ямато, предсидательови Општини Шид Предраґови Вуковичови вчера придали технїчну документацию за лєпше подмирйованю з воду, та за инфраструктуру драгох у шидскей општини.

9-Sid-02

З технїчну документацию спатрени терашнї стан у подмирйовцаню з воду у цалей општини и предложени мири за злєпшованє з подмирйованьом по 2040. рок. У тим  облапени и валали Бикич, Привина Глава, Сот, Моловин и Люба, хтори нє маю водовод, а вредносц документацициї 14 500 долари

Тиж придата и технїчна документация за вибудов ткв. кружного цеку на крижаню Карадьордьовей, Площи Републики и улїци Лази Костича у Шидзе, а вредносц документациї 13 500 долари.

На придаваню документациї вчера присуствовали найвисши руководителє Општини Шид, як и комесар за вибеженцох и миґрациї Републики Сербиї Владимир Цуцич, а спред Министерства державней управи и локалней самоуправи Мария Перуничич, совитнїца у спомнутим министерстве.

Пред приходом до Шиду, високи госци нащивели Адашевци и тамтейшу Основну школу „Вук Караджич“, дзе UNDP того року уложел коло 50 000 долари до обнови спортских теренох.

ПОВЯЗАНИ ТЕКСТИ