БЕОҐРАД – Вакцина процив дзецинскей парализи (ОПВ вакцина) сцигла до Сербиї и од вчера є доступна у шицких домох здравя, сообщел Институт за вирусолоґию, вакцини и серуми „Торлак”.
До Сербиї сцигли 77 380 дози вакцини наменєни за ревакцинованє дзецох од 7 до 14 роки, продукователя „Санофи Пастер С.А.” з Французкей.
Институт „Торлак”, у складзе з планом розподзельованя хтори пририхтал Институт за явне здравє „Др Милан Йованович Батут”, почал дистрибуцию вакцини, та би у шицких домох здравя мала буц доступна од вчера.
„ОПВ” вакцина наменєна за обовязну имунизацию, а Аґенция за лїки и медицински средства Сербиї видала сертификат анализи, хтори доказує исправносц тей сериї вакцини, сообщене з „Торлаку”.