СЕРБИЯ – З Привредней комори Сербиї (ПКС) сообщене же дотераз зашати коло 15 одсто поверхносцох, а у идуцих дзешец дньох шатва будзе интензивнєйша. Того року найвецей будзе кукурици, хтора пошата на коло 1,1 милиони гектарох, потим сої и слунечнїку, хтори пошати на 180 000 гектарох. Цукровей цвикли того року будзе на 60 000 гектарох.
Ненад Будимирович з ПКС гварел же польопривреднїки кажди рок маю проблем з финансованьом шатви, а нагадує же можебуц нарок придзе до злєпшаня стану.
Єшеньска шатва окончена на коло 790 000 гектарох, з чого 590 000 гектари жита, цо за 8,8 одсто вецей у одношеню на 2013. рок. Кед будзе вигодна хвиля и без проблемох з поджемнима водами, будуца єшеньска шатва годна буц ище лєпша.