Дотераз найчисленша Рутенияда

автор аба
1.4k Опатрене

СТАРИ ЯНКОВЦИ (ГОРВАТСКА) – У орґанизациї Координациї рускей националней меншини Републики Горватскей (РГ), а под покровительством Вуковарско-сримскей жупаниї всоботу, 11. юния, на стадионє Ґатина у Старих Янковцох отримана Дзевята Рутенияда – змаганє школярох з местох дзе жию Руснациу Горватскей и Сербиї, односно Войводини, у старих руских спортских бавискох.

Змагали ше 15 екипи з пейц школох з Петровцох, Миклошевцох, Старих Янковцох,  Пишкуревцох и з Руского Керестура, так же то дотераз була найчисленша Рутенияда.

Змаганє було орґанизоване у двох катеґорийох – за школярох нїзших и за школярох висших класох основней школи (ОШ), та од першей по штварту класу ОШ участвовали осем екипи – три з Миклошевцох, три зоз Старих Янковцох и два з Петровцох.

Од пиятей по осму класу ОШ змагали же седем екипи – три зоз Старих Янковцох,  два з Пишкуревцох и два з Руского Керестура.

Школяре ше змагали у чинаґаню, пиличканю, руцаню подковох, джочканю, пасульканю за нїзши класи, цаганю штранґу и беганю у меху  на штафетни способ.

У катеґориї нїзших класох ОШ перше место – погар и златни медалї освоєли школяре Подручней школи з Петровцох ОШ „Антун Баурер” з Вуковару, друге место и стриберну медалю освоєла „Екипа 3” школярох з ОШ Стари Янковци, а треце место и бронзову медалю „Екипа 1” школярох Подручней школи з Миклошевцох ОШ Чаковци.

У катеґориї висших класох ОШ перше место – погар и златни медалї освоєла екипа „Стари Янковци 2”, друге место и стриберни медалї екипа „Стари Янковци 1” а треце место и бронзово медалї екипа ОШ „Петро Кузмяк” з Руского Керестура.

(На фотоґрафийох – шицки учашнїки, зоз змаганьох и побиднїцки екипи)

ПОВЯЗАНИ ТЕКСТИ