Дочасово монашски завити ш. Лаврентиї

автор аба
1.1k Опатрене

ОСИЄК – У манастирскей каплїчки шестрох Василиянкох у Осиєку 19. юлия, на швето св. Макрини –  соутемелїтельки монашскей заєднїци ЧСВВ,  Леся Исик  положела дочасово монашски завити и вжала мено шестра Лаврентия. Шестра Лаврентия народзена у України, у месце Бильче у Львовскей обласци.

Тото нєкаждодньове збуванє провадзела и мала грекокатолїцка заєднїца у Осиєку, а Службу Божу служели штирме священїки – домашнї парох о. Любомир Стурко, славонскобродски парох о. Александар Хмиль, будуци райовоселски парох о. Олеґ Закалюк, док завитни обряд водзел грекокатолїцки парох з Ястребарского о. Милан Стипич.

9-Osijek-02

Пред олтар дзе покладала завити и облєкла монашске облєчиво провадзели ю маґистра ш. Терезия Сапун и провинциялна ш. Анастазия Питка. До чину сваятого Василия Велького уж скорей вошла власна шестра ш. Лаврентиї, ш. Януария, котра тераз  на служби у Києве.

Службу Божу шпивали шестри Василиянки, по Служби ш. Лаврентия присутним подзелєла памятни обращики, а вони єй повинчовали з Многолїствийом.

9-Osijek-03

ПОВЯЗАНИ ТЕКСТИ