ДЮРДЬОВ – Дюрдьовчанє Нови рок у своїм месце годни дочекац у обисцох, кафичу, лєбо пицериї, а орґанизовани явни сходи нє будзе анї за дочек, анї за репризу дочеку
Младеж Нови рок углавним дочека колективно у обисцох, у кафичох, лєбо на площи у Новим Садзе, а єст и таких котри тоту ноц прпровадза у иножемстве, у Бечу и Будапешту, лєбо у домашнїх популарних туристичних дестинацийох, як цо то Златибор и Копаоник.
Старши Нови рок углавним дочекаю дома з фамелию, сушедами и родзину, лєбо у пицериї, хтора понука аранжаман за дочек з живу народну музику.