РУСКИ КЕРЕСТУР – Месна заєднїца Руски Керестур и того року у центре валалу орґанизує заєднїцки дочек Нового року, дзе нєшка на 23 г. почнє музика, а на пол ноци будзе и традицийни огньомет.
У погосцительних обєктох дочек Нового року орґанизовани у ресторанох „Червена Ружа” у центре валалу и на чарди „Лонґов” на беґелю, як и у Дискотеки „Амадеус” (у Доме младежи).
За добру атмосферу у „Червеней Ружи” задлужени „Пицикато бенд”, на Лонґове єден бенд з Кули, а у диску „Фанатико Бенд”.
Ютредзень, 1. януара, у спомнутих ресторанох и у Дискотеки орґанизована и реприза дочеку, а як и скорейши роки, велї млади дочек орґанизую „на приватно”, лєбо ше рихтаю до векших городох.