СЕЧАНЬ/КУЛА – Тогорочну Покраїнску смотру рецитаторох у Сечню, хтора отримана од 24. по 26. април, означели рецитаторе з кулскей општини, понеже освоєли аж шейсц побиднїцки места у трох возростох.
У младшим возросту перша була Исидора Нинков, а друга Лїляна Кнежевич, обидва з Кули; у штреднїм возросту перше место освоєла Владица Кляїч з Червинки, друге Тара Божович з Кули, а у старшим возросту друге место освоєла Миляна Нинич з Кули и Мирослав Малацко з Керестура.
Попри нїх, медзи 18 побиднїками у своїх катеґорийох и Микола Еделински и Тимеа Будински з Керестура.
Побиднїкох у младшим возросту у Кули пририхтала Амалия Ковач, Кляїчову з Червинки у штреднїм возросту Весна Чукович, а Божовичову у штреднїм и Ниничову у старшим возросту у Кули Слободан Ноґавица. Мирослава Малацка и Тимеу Будински у Руским Керестуре пририхтала Ивана Дудаш, а Миколу Еделинския Мелания Рамач.