НОВИ САД – Дочек Нового року у Новим Садзе орґанизовани у велїх кафичох, ресторанох, готелох, алє главна атракция за шицких будзе програма на двох бинох у центре городу. На велькей бини на Площи шлєбоди наступя бенди „Диванхана“, „Ґарави сокак”, „Лав гантерс”, „Фрайли” и „Црвена јабука”.
На меншей бини у улїци Лази Телечкого музику буду пущац познати диджейове, а програми на обидвох бинох почню на 21 годзин. Секунди до початку 2015. року ше будзе одчитовац под час наступу „Црвенеј јабуки”, а плановане же музична програма будзе до двох годзин.
На контролних пунктох на уходох до центру будзе контроловане уношенє оружия, пиротехнїчних средствох, напою у склєняней, лєбо металней амбалажи.
По податкох Туристичней орґанизациї Нового Саду, обчекує ше вельке число нащивительох зоз Сербиї и иножемства, а того року дочек у центре голроду финансую спонзоре.