До Совиту сцигли учебнїки за наймладших, розподзельованє идуцого тижня

автор маф
793 Опатрене

РУСКИ КЕРЕСТУР – До Националного совиту (НС) Руснацох вчера сцигли руски учебнїки наменєни нашим першокласнїком и дзецом у предшколских установох, хтори финансує НС. Идуцого тижня учебнїки буду розпослати до наших местох.

НС того року обезпечел 56 учебнїки „Руски язик з роботнима лїстками” за предшколски дзеци, 65 учебнїки „Руски язик” за 1. класу ОШ – за виучованє руского язика як виборного предмету у наших местох, як и 60 учебнїки за виронауку „Исус нас водзи ґу нашому оцови нєбесному”.

2-Ucebnjiki-02

Спомнути учебнїки НС обезпечел од видавателя – Заводу за видаванє учебнїкох, за цо того року опредзелєл коло 140 000 динари.

Першокласнїком у настави дзе руски язик виборни предмет Совит купел и флаєри з Привитну писню и окремни беджи, хтори пририхтала нєвладова орґанизация Приятелє дзецох Сербиї. Привитну писню Ивани Нешич на руски язик прешпивала Мелания Римар.

У школох дзе настава на руским язику порядна – у Руским Кересуре и Коцуре – тоти дарунки своїм школяром першей класи обезпечую сами школи.

ПОВЯЗАНИ ТЕКСТИ