НОВИ САД – Сучасни українски автор Андрий Любка нєшка будзе госц Омладинского центру у Новим Садзе, познатшого як ЦК 13.
Андрий Любка иншак тих дньох пришол до Крокодиловей резиденциї за писательох у Беоґрадзе, а на нєшкайшим госцованю у Новим Садзе будзе бешедовац на сербским язику о своєй творчосци и сучасней українскей литератури. Модератор будзе редактор литературней програми ЦК 13 Дьордє Майсторович.
Андрий Любка познати як млади поета, прозни писатель и есеїста, народзени 1987. року, а українски язик и литературу дипломовал на Универзитету у Ужгороду и на балканских студийох на Универзитету у Варшави. Обявел вецей кнїжки поезиї, есейох, роман, збирку кратких приповедкох, а достал и вецей значни награди. Його твори преложени на сербски, горватски, анґлийски и польски язик.