НОВИ САД – Конкурс за парняцких едукаторох з облаци превенциї ХИВ/АИДС-у, хоротох зависносци и репродуктивного здравя, хтори розписала Младеж ЯЗАС-у Нови Сад, отворени до ютра, 20. юния.
Конкурс отворени за шицких школярох новосадских штреднїх школох, як и за студентох Универзитету у Новим Садзе.
Шицким вибраним кандидатом орґанизаторе оможлївя обуку за парняцкого едукатора з вибраней обласци, як и пририхтованє за реализацию роботньох и применьованє знаня. Обука будзе отримана у авґусту/септембру.
Приявиц ше мож на е-адресу milos.peulic@jazas.rs на число телефона 021/45-45-14, лєбо прейґ поруки, на число 069/12-14-534.
Учашнїки хтори успишно законча обуку годни ше гонорарно анґажовац у Младежи ЯЗАС Нови Сад на три до шейсц мешаци.