РУСКИ КЕРЕСТУР – До ютра, 25. януара, тирваю прияви екипох котри жадаю участвовац на квалификацийним змаганю на шестим по шоре „Русин куп” турниру, котри будзе отримане у Спортскей гали у Руским Керестуре 2. фебруара.
Потераз квалификациї отримани у Братислави, Старей Любовнї, Свиднїку и Михаловцох у Словацкей. По закончених квалификацийних змаганьох, побиднїцка екипа зоз каждого места будзе бавиц на финалним турниру у Словацкей, а место и датум одредза орґанизаторе.
У екипи треба же би були 5 до 9 бавяче, а медзи нїма голєм троме муша буц Руснаци. Орґанизаторе Турниру млади Руснаци зоз Словацкей, а шицки информациї и прияви мож окончиц прейґ мейлу rusyncup@gmail.com.