НОВИ САД – При младих од 16 до 24 роки практично нєт особи котра нє ма налог на Фейсбуку, лєбо Твитеру, а и сами су свидоми же випатрунок и змист тих профилох значни фактор у їх дружтвеним живоце.
Кажди хаснователь дружтвену мрежу прилагодзує себе, а велї фаховци думаю же змисти хтори людзе кладу на дружтвени мрежи – то лєм предлуженє того цо робя у реалним живоце и алат за представянє у лєпшим шветлє, гварела комуниколоґ Єлена Клеут.
Гоч людзе вше мали потребу за украшованьом, виглєдованя указую же интернет вигодни за творенє слики хтора иншака од стварносци, окреме за нєсиґурни особи, а психолоґ Бояна Бодрожа гвари же то нє присутне лєм при младих, но вони подложнєйши кризи идентитету.
Особом котри ше обаваю цо о нїх думаю други, дружтвени мрежи вигодне окруженє, прето же ше там найбаржей можу самопрезентовац и приказац у лєпшим шветлє, гваря фаховци.