Дружтво за руски язик, литературу и културу означело даскельо рочнїци у Шидзе

автор влдї
1.1k Опатрене

ШИД – Дружтво за руски язик, литературу и културу з Нового Саду и його Секцийох у Шидзе и Бикичу, вчера, 18. авґуста, у рамикох Календара рочнїцох у 2016. року, означело даскельо рочнїци.

Ирина Папуґа, секретарка Дружтва, на Грекокатолїцким теметове положела букет квеца на памятнїк учителя Янка Саламона зоз Шиду, а у присустве його супруги, учительки Ксениї, здогадла на його творчу роботу з нагоди 90-рочнїци народзеня учителя.

На истим теметове дата почесц и нєдавно умартому учительови и писательови Васильови Мудрови котри єден од сновательох Дружтва, а наставнїца Златка Сивч Здравич пречитала його, и стихи Меланиї Маринкович, чию ше 90-рочнїцу народзеня тиж означи того року.

Шлїдуюцого, 2017. року, будзе означена 90-рочнїца народзеня учительки Єлисавети Славки Рогаль, та положене квеце и на єй гроб на Городским теметове дзе є похована вєдно зоз супругом учительом Владимиром Рогальом.

ПОВЯЗАНИ ТЕКСТИ