ДС за персонализовану и пропорцийну виберанкову систему

автор танюґ/сен/зам
861 Опатрене

НОВИ САД – Демократска странка (ДС) до Скупштни АП Войводини придала предлог за вименку виберанковей системи у Войводини, а задумка же би ше на идуцих виберанкох за Скупштину АП Войводини, место чисто пропорцийней, применєло персонализовану пропорцийну виберанкову систему.

Шеф посланїцкей ґрупи ДС у Скупштини Войводини Борислав Новакович гварел же би зоз применьованьом такей виберанковей системи гражданє виберали посланїкох, а нє странки. Вон потолковал же би ше у такей системи виберацке цело подзелєло на 120 виберанково єдинки (Скупштина АПВ ма 120 посланїкох), з по 14 500 гласачох, котри би знали хто кажди кандидат за посланїка.

Новакович гварел би ше з применьованьом персонализованей пропорцийней виберанковей системи нє „руцало“ анї єден глас. Нє були би зменшани права националних меншинох, понеже предвидзени природни праг, а у парламенту трецина посланїкох муша буц женского полу.

У вчерайшим госцованю на ТВ Б92, предсидатель Скупштини Войводини Иштван Пастор гварел же ше тоту инициятиву будзе розпатрац на Колеґиюме Скупштини, а думаня є же би виберанкову систему нє требало меняц у виберанковим року.

ПОВЯЗАНИ ТЕКСТИ