НОВИ САД – Вчера розписани конкурс за участвованє у програми „Управянє з реґионалним розвойом з помоцу фондох ЕУ”, хтори наменєни занятим у локалних самоуправох, месних заєднїцох, туристичних орґанизацийох, канцеларийох за младих, институцийох за розвой и других анґажованих у обласци защити животного штредку, привреди, култури и образованя.
Конкурс розписал войводянски фонд „Европски роботи”, у сотруднїцтве з Новосадским универзитетом, а з цильом информованя людзох з рижних институцийох и установох о обезпечованю средствох з фондох ЕУ и їх пририхтованя за креированє и имплементацию европских проєктох.
Плановане же едукация будзе тирвац 22 роботни тижнї, а настава будзе пиятками и соботами у Новим Садзе. Преподавац буду фаховци котри маю искуство у управяню з фондами и програмами ЕУ, наводзи ше у поволанки покраїнскей Влади.
Вецей информациї мож достац на сайту www.vojvodinahouse.eu