НОВИ САД – Завод за културу войводянских Руснацох на соботу и нєдзелю 16. и 17. мая 2015. року, орґанизує дводньову едукативну роботню писаня предкладох проєктох „Управянє зоз проєктнима циклусами” 2. часц – актуални програми ЕУ ИПА прейґгранїчни сотруднїцтва.
Циль едукациї звекшац уровень знаня и схопносци учашнїкох/цох за писанє проєктних предкладох, як и порушац сотруднїцтво и тимску роботу медзи учашнїками/цами, же би ше у наиходзацим периодзе заєднїцки конкуровало за средства домашнїх и медзинародних донаторох до ЕУ фондох.
Завод обезпечи средства за єден приход и одход на едукацию, а за шицких учашнїкох будзе обезпечене ошвиженє, полудзенок и роботни материял. Роботня почина обидва днї на 10 годзин у просторийох Заводу, Футожска 2/III у Новим Садзе, а приявиц ше можу шицки заинтересовани до стреди 13. мая, на мейл: zavod.rusini@gmail.com.